Brasilíska fyrirsætan Adriana Lima mætti á forsýningu The Hunger Games: The Ballad of Songbirds & Snakes í Los Angeles á þriðjudaginn síðastliðinn. Útlit hennar vakti mikla athygli og þótti mörgum hún óþekkjanleg, sérstaklega miðað við hvernig hún leit út aðeins fyrir tveimur mánuðum.

„Mér hefði aldrei dottið í hug að þetta sé sama manneskjan,“ sagði einn netverji.

„Hvað lét hún gera við andlitið sitt?“ sagði annar.

Sumir héldu því fram að fyrirsætan hafi gengist undir fegrunaraðgerð, á meðan aðrir sögðu þetta vera farðanum að kenna.

Lima, 42 ára, var gríðarlega vinsæl og eftirsótt fyrirsæta fyrir rúmlega tíu árum. Hún var talskona snyrtivörufyrirtækisins Maybelline frá 2003 til 2009 og er líklega þekktust sem ein af englum Victoria‘s Secret frá 1999 til 2018.

Lima ákvað að svara vangaveltum netverja á Instagram og sagði að andlitið hennar hafi verið svona einfaldlega vegna þreytu. Hún er móðir og það yngsta er rúmlega eins árs orkubolti. Tvö eldri eru 14 ára og 12 ára.