Leikarinn Ben Affleck getur ekki hitt fyrrverandi eiginkonu sína, leikkonuna Jennifer Garner, án þess að paparazzi ljósmyndarar séu mættir á svæðið. Það virðast allir og amma þeirra hafa áhuga að vita um fundi fyrrverandi hjónanna og hvað fari þar fram.
Ben Affleck og Jennifer Garner eiga saman þrjú börn, Violet, 17 ára, Seraphina, 14 ára, og Samuel, 11 ára. Þau tilkynntu að þau væru að skilja árið 2015, nokkrum dögum eftir að þau fögnuðu tíu ára brúðkaupsafmæli.
Leikarinn giftist söng- og leikkonunni Jennifer Lopez árið 2022 og það er hugsanlega þess vegna sem fólk hefur svo mikinn áhuga á endurfundum hans og Garner.
Sjá einnig: J.Lo og Ben Affleck virtust rífast eftir að hann sást í faðmlögum með fyrrverandi
Í byrjun október birti Page Six myndir af Affleck og Lopez keyra um Los Angeles og virtist andrúmsloftið í bílnum hafa verið frekar spennuþrungið. Ýmsar kenningar voru á lofti um hvað hjónin hafi verið að ræða og spurðu margir sig hvort það hafi tengst fundi Affleck og Garner nokkrum dögum áður, en þau sáust í faðmlögum og fóru myndirnar eins og eldur í sinu um netheima.
Sjá einnig: Sást í faðmlögum og skutli með fyrrverandi Jennifer
Nú enn og aftur eru myndir af fyrrverandi stjörnuparinu að vekja athygli. Í þetta sinn virtust þau hafa verið að rökræða.
Jennifer Garner appears upset during impassioned chat with ex Ben Affleck https://t.co/F1LHbPsYWz pic.twitter.com/RkQiABVVEL
— Page Six (@PageSix) October 31, 2023
Page Six birti myndirnar og að sögn miðilsins var Garner með sjáanlega skeifu á andlitinu og var spenna í loftinu, en síðan hafi leyst úr henni og þau hafi brost til hvors annars.
Sjá einnig: Myndband af J.Lo og Ben Affleck rífast fer eins og eldur í sinu um netheima
