Áhrifavaldarnir og vinkonurnar Sunneva Einarsdóttir og Birta Líf Ólafsdóttir glímdu við margföldunartöfluna í nýjasta þætti af Teboðinu. Þær haldi úti umræddu hlaðvarpi sem nýtur mikilla vinsælda og hefur klippa úr þættinum vakið þó nokkra athygli á samfélagsmiðlum.
Það styttist óðum í hrekkjavökuna og voru hlaðvarpsstjórnendurnir í búning. „Ástæðan fyrir þessum fyrsta hrekkjavökubúning í ár hjá Teboðinu er því, þið þekkið þetta, það eru alltaf einhver leiðinleg komment og það eru alltaf einhverjir sem skrifa á TikTok að þeir missi heilasellur eða það slökknar á heilanum þeirra eða heilinn þeirra segir bæbæ [við að horfa á okkur],“ segir Birta í þættinum.
„Eða heilinn sé ekki til staðar og að fólk gæti ekki orðið heimskari að horfa á okkur,“ tekur Sunneva undir.
„Þannig við erum komnar hér sem tvær síðustu heilasellurnar,“ segir Birta.
Í þættinum fóru þær aðeins yfir margföldunartöfluna en áttu smá erfitt með hana.
„Er sex sinnum sex þrjátíu og sex??“ spurði Birta hissa og svaraði Sunneva játandi.
Síðan sagði Sunneva örugg: „Fimm sinnum fimm er þrjátíu og fimm.“
„Já, rétt,“ staðfesti Birta.
Þær reiknuðu önnur dæmi en svo sagði Sunneva skyndilega: „Nei, sex sinnum fimm er þrjátíu og fimm. Nei, fimm sinnum fimm er tuttugu og fimm.“
Það tók þær smá tíma en þær komust loks að réttri niðurstöðu, að sex sinnum fimm er þrjátíu.
„Hvernig er ég með mastersgráðu?“ spurði Sunneva.
„Ég líka. Hvernig sitjum við báðar hérna með mastersgráðu og kunnum ekki að reikna,“ sagði Birta hlæjandi.
Sunneva útskrifaðist með mastersgráðu í markaðsfræði frá Háskólanum í Reykjavík í byrjun árs og Birta lauk mastersnámi við Hult háskólann í Boston í ágúst 2020.
Horfðu á myndbandið hér að neðan.
@tebodidhvað er 6×6?♬ original sound – Teboðið
Þáttinn í heild sinni má horfa á hér.
