Leikkonan Anne Hathaway greindi nýlega frá því að þegar hún var 16 ára gömul hafi hún fengið óþægilega spurningu frá blaðamanni.
Hún opnaði sig um þetta á viðburði fyrir nýjustu mynd sína, Eileen, á Sundance kvikmyndahátíðinni.
„Ég man bara eftir einni af fyrstu spurningunni sem ég fékk eftir að ég byrjaði að leika og þurfti að svara fjölmiðlum. Spurningin var – Ertu góð stelpa eða slæm stelpa. Ég var 16 ára og 16 ára ég langaði að svara þessari spurningu með þessari mynd.“
Anne sagði þetta í samhengi við hversu mikið hana langaði að vinna með leikstjóra Eileen, William Oldroy eftir að hafa séð mynd hans frá 2016 – Lady Macbeth.
Anne segir að í þeirri mynd hafi það heillað hana hvernig flækjur þess að vera kona voru settar í fókus og taldi Anne myndina sýna að William væri kvikmyndagerðarmaður sem hægt væri að treysta fyrir flóknum sögum, sérstaklega þeim sem fjalla um konur.
Myndin fjallar um unga konu sem lifir frekar döpru lífi í Boston á sjöunda áratug síðustu aldar. Hún vinnur í fangelsi og hittir þar samstarfskonu sem á eftir að breyta lífi hennar.
