Naomi stytti sér aldur í apríl í fyrra, 76 ára að aldri, eftir að hafa glímt við andleg veikindi í mörg ár.
Hún myndaði kántrídúettinn The Judds ásamt dóttur sinni, Wynonnu Judd. Þær gáfu saman út sex breiðskífur og voru með farsælustu kántrítónlistarmönnum í heimi.
Til stóð að þær myndu fara í sitt fyrsta tónleikaferðalag í rúmlega áratug haustið 2022.
Nú hefur bréf sem Naomi skrifaði fyrir sjálfsvígið verið opinberað af lögreglunni í Tennessee í Bandaríkjunum. Radar Online birtir mynd af bréfinu.
„Ekki leyfa Wy að koma í jarðarförina mína. Hún er veik á geði,“ skrifaði Naomi á gulan bréfmiða.
Heimildarmaður tengdur Wynonnu sagði að hún hafi verið niðurbrotin vegna síðustu orða móður sinnar.
„Wy veit betur en aðrir hversu andlega veik móðir hennar var, en henni finnst erfitt að hugsa til þess að síðustu hugsanir mömmu hennar hafi verið svona illviljaðar.“
Ef einstaklingar glíma við sjálfsvígshugsanir er bent er á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.
