fbpx
Föstudagur 27.janúar 2023
Fókus

Alec Baldwin ákærður fyrir manndráp af gáleysi

Fókus
Fimmtudaginn 19. janúar 2023 16:23

Ekki missa af Helstu tíðindum dagsins í pósthólfið þitt

Lesa nánar

Leikarinn Alec Baldwin hefur verið ákærður fyrir manndráp af gáleysi eftir að voðaskot reið af á tökustað kvikmyndarinnar Rust.

Konan sem hafði umsjón með vopnum sem notuð voru í myndinni, Hannah Gutierrez Reed er einnig ákærð fyrir manndráp af gáleysi.

Saksóknari í Santa Fe, Mary CarmackAltwies, tilkynnti þetta í dag í yfirlýsingu.

Kvikmyndatökustjórinn Halyna Hutchins lét lífið á tökustað Rust í október 2021 eftir að voðaskot reið af úr byssu sem Alec Baldwin hélt á, en hann taldi skotið óhlaðið.

Fógetinn í Santa FeAdan Mendoza hefur farið fyrir rannsókn málsins og hefur lýst því að mikil vanræksla hafi átt sér stað á tökustað sem hafi gert það að verkum að harmleikurinn átti sér stað.

Baldwin sjálfur hefur kallað atburðinn hörmulegt slys og hefur hann reynt að hreinsa nafn sitt með því að lögsækja þá aðila sem sáu um vopnið sem honum var rétt á tökustað. Hann hefur haldið því fram að honum hafi verið sagt að byssan væri örugg.

Í lögsókn sinni segir hann að hann hafi verið að æfa með Hutchins fyrir tökur og hafi því beint byssunni í átt að henni og tekið í gikkinn, án þess að vita að skot væri í vopninu.

Lögmaður Hannah Gutierrez Reed hefur haldið því fram að hún hafi ekki sett skotið í byssuna heldur hafi verið brögð í tafli. Yfirvöld hafa þó engin sönnunargögn fundið sem renna stoðum undir þá kenningu.

Myndskeið voru gefin út í apríl á síðasta ári sem voru tekin upp fyrir og eftir voðaskotið. Þar má sjá Baldwin í töluverðu áfalli.

Baldwin heyrist á upptökunum ítrekað halda því fram að ekki hafi áður átt sér vandamál með skotvopnin á tökustað myndarinnar. Aðstandendur hinnar látnu höfðuðu mál vegna andláts hennar þar sem því er haldið far að vegna tilrauna til að spara við framleiðslu myndarinnar hafi öryggis ekki verið fyllilega gætt og því hafi farið sem fór. Kvikmyndatökuliði var sömuleiðis sektað um næstum 137 þúsund dollara eftir úttekt öryggiseftirlits.

Guradian greinir frá. 

Sjá einnig: Birta myndskeið sem voru tekin fyrir og eftir voðaskotið – „Ég dreg byssuna hægt upp“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Mögnuð fæðingarsaga Mónu Lindar – Fór að pissa og fæddi dótturina inn á baði

Mögnuð fæðingarsaga Mónu Lindar – Fór að pissa og fæddi dótturina inn á baði
Fókus
Fyrir 2 dögum

Hetjuleg ástæðan fyrir slysinu afhjúpuð

Hetjuleg ástæðan fyrir slysinu afhjúpuð
Fókus
Fyrir 2 dögum

Biggi í Maus gefur út dansvænt skammdegispopp – „Má ég snúza meir?”

Biggi í Maus gefur út dansvænt skammdegispopp – „Má ég snúza meir?”
Fókus
Fyrir 2 dögum

Ragnhildur Steinunn breytir um stíl – „Hár-flipp fyrir lengra komna“

Ragnhildur Steinunn breytir um stíl – „Hár-flipp fyrir lengra komna“