Aaron Korsh, framleiðandi sjónvarpsþáttanna vinsælu Suits, opnaði sig á dögunum um afskiptasemi bresku krúnunnar við þáttagerðuna sem fór verulega í taugarnar á honum. Eins og alþjóð veit fór leikkonan Meghan Markle með stórt hlutverk í þáttunum en allt breyttist þegar hún og Harry prins fóru að stinga saman nefjum.

Þá fór samskiptateymi bresku krúnunnar gera allt sem í sínu valdi stóð til þess að tryggja að sjónvarpsþættirnir myndu ekki kasta einhverskonar rýrð á konungsfjölskylduna. Segir Korsh að meðal annars hafi þess verið krafist að persóna Markle í þáttunum myndi ekki nota orðið „Poppycock“, sem er slanguryrði yfir blaður. Ástæðan væri sú að mögulega væri hægt að klippa atriðið til þannig að persóna Markle myndi aðeins segja „cock“ sem er jú enskt orð yfir getnaðarlim.

Afskiptasemin fór verulega í taugarnar á Korsh því þannig vildi til að ástæðan fyrir því að umrætt orð var í handritinu var að tengdafjölskylda framleiðandans notar slanguryrðið reglulega og kynnti hann fyrir því og því var það ætlun hans að koma með skemmtilega tilvísun til þeirra í þáttunum. Breska krúnan kom hins vegar í veg fyrir það.