Þættir um strandverðina, sem hlupu um bandarískar strendur í rauðum sundfötum, nutu mikilla vinsælda á tíunda áratug síðustu aldar, enda þar að finna fullt af gullfallegu fólk á baðfötunum, sem kom sér vel þar sem ekki var hægt að halla sér að Internetinu til að finna slíkt myndefni. Sjálf klámstjarnan Pamela Anderson gerði garðinn frægan í þáttunum og þeir komu líka leikaranum David Hasselhoff rækilega á kortið.
Strandverðirnir sem hlupu í hægsýningu í den eru fyrir löngu horfnir til annarra verkefna, enda hafa þrír áratugar liðið. Leikkonan Erika Eleniak lék strandvörðinn Shauni McClain í fyrstu þremur þáttaröðunum. Hún er í dag orðin 53 ára og í staðinn fyrir að skarta rauðum sundbol skartar hún í dag húðflúrum sem þekja báða handleggi hennar, eða svokallað erma-húðflúr.
NewYork Post greinir frá því að Erika hafi nýlega brugðið sér á almannafæri og brá mörgum í brún að sjá hversu mikið hún hefur breyst, enda margir meðal almennings og fjölmiðla sem greinilega er þeirrar trúar að stjörnunum sé haldið sofandi í formalíni þegar þær eru ekki í deiglunni.
Erika lék sitt fyrsta hlutverk í geimverumyndinni E.T, þá var hún aðeins 12 ára gömul. Hún gerði svo allt vitlaust þegar tók að sér hlutverk í Strandvörðunum. Vakti kynþokki hennar, líkt og þokki áðurnefndrar Pamelu, athygli og bauðst henni að sitja fyrir í fullorðins tímaritinu Playboy og þótti meðal eftirsóttustu kvenna heims. Hún ákvað svo að reyna að nýta þessar vinsældir til að láta kvikmyndastjörnudrauminn rætast og sagði skilið við strandverðina fyrir stóra skjáinn árið 1992. Þó það hafi ekki gengið eins og hún vonaði segist hún ekki sjá eftir ákvörðun sinni. Þættirnir hafi vissulega verið að aukast í vinsældum, en á sama tíma hefðu þeir orðið meira ögrandi og meiri áhersla lögð á sundföt heldur en söguþráð.
Þessa daganna tekur hún að sér einstaka hlutverk en ver mestum tíma sínum með fjölskyldu sinni í úthverfum Kaliforníu. Eins og sjá má er Erika enn kynbomba, og enn meiri töffari. Enda vita allir að það er kúl að vera með húðflúr.
View this post on Instagram
