Það mætti segja að Internetið hafi farið á hliðina þegar myndband af þeim í sleik fór í dreifingu.
Harry var í sambandi með leikkonunni og leikstjóranum Oliviu Wilde í tvö ár áður en leiðir þeirra skildu í nóvember í fyrra.
Fjölmiðlar vestanhafs greindu frá því í lok mars að Olivia hafi orðið verulega ósátt við Emily en þær höfðu verið góðar vinkonur um árabil og sátu meðal annars saman í Vanity Fair partýinu eftir Óskarinn í byrjun mars. Ekki nóg með það heldur sátu þær saman á tónleikum Harry Styles í fyrra.
Sjá einnig: Sögð hafa grátbeðið Oliviu Wilde um fyrirgefa sleikinn
Eins og fyrr segir segir vakti koss þeirra mikla athygli og fjölluðu fjölmiðlar linnulaust um atvikið og settu fram ýmsar kenningar um dramað á milli vinkvennanna.
— Pop Base (@PopBase) March 26, 2023
Emily opnaði sig í fyrsta sinn um málið í viðtali við Vogue Spain á dögunum. Hún sagði að henni „líði illa“ fyrir hönd Oliviu en sagði að þær hafi hvorki rifist um kossinn né sé metingur þeirra á milli.
„Það er mjög skrýtið að eiga ákveðna upplifun og síðan veit allur heimurinn af því og hefur skoðun á því,“ sagði hún.
„Áhuginn á þessum hluta lífs míns er mjög skrýtinn, ekki að það komi mér á óvart, en þetta er bara agnarsmár hluti af lífi mínu. Mestallur tími minn fer í son minn og vinnuna mína. En ætli það kalli nokkuð fram sömu spennandi fyrirsagnirnar.“
DailyMail greinir frá því að Oliviu finnst hún hafa verið illa svikin af vinkonu sinni og að hún vilji ekki að fyrirsætan sé að ræða hana opinberlega.
„Emily ætti ekki að vorkenna Oliviu. Hún ætti aðeins að endurskoða líf sitt og karlmennina sem hún ákveður að deita,“ sagði heimildarmaður nátengdur stjörnunum í samtali við breska miðilinn.
„Olivia vill ekki að Emily tali um sig.“
