Innst inni þurfum við öll á viðurkenningu að halda. Að við séum áhugaverð og eftirsóknarverð í samskiptum. Plús að það gerir lífið svo miklu þægilegra í alla staði.
En hver er lykillinn að því? Af hverju laðast fólk að nærveru sumra en flýja aðra eins og heitan eldinn?
Harvard háskólinn í Bandaríkjunum gerði ítarlega rannsókn um hvað gerir fólk viðkunnanlegt að mati annarra.
Og það var ýmislegt áhugavert að finna í niðurstöðunum.
Lykilinn er spurningar
Í ljós kom að leyndardómurinn að baki því að ná góðum tengslum við fólk hefur ekkert með að gera að vera kurteis, hjálpsamur eða hafa góða kímnigáfu.
Það snýst um að spyrja spurninga.
Annað sem er sammannlegt, er löngun til að aðrir hafi áhuga á okkur.
Rannsóknarteymið kannaði viðbrögð við þúsundum spurninga í samtölum sem áttu sér stað við hinar ýmsu aðstæður. Öll áttu samtölin það sameiginlegt að einstaklingarnir höfðu aldrei talað saman áður og voru allir í í leit að rómantík.
Sum fóru fram í netspjalli, önnur á hraðstefnumótum.
Teymið skráði niður orðrétt þúsundir samtala einstaklinga sem voru að eiga sín fyrstu samskipti.
Sumir voru beðnir um að spyrja að minnsta kosti 9 spurninga á fyrstu 15 mínútum samtalsins og aðrir áttu að spyrja í mesta lagi 4 spurninga á sama tíma.
Algeng mistök að ræða sjálfan sig
Í ljós kom að í netspjalli líkaði viðmælendum betur við þá sem spurðu fleiri spurninga og sama var að segja um hraðstefnumótin. Fólk var mun viljugra að hitta aftur þá sem spurðu fleiri spurninga.
Sem segir okkur að flest viljum við að aðrir sýni okkur áhuga.
Í skýrslunni segir að margir hafi fallið í þá algengu gryfju að tala mikið um sjálfa sig til að ganga í augun á viðmælandanum. Það séu aftur á móti mistök.
Það sé mun vænlegra til árangurs að spyrja viðmælandann um þeirra áhugamál, starf, fjölskyldu og tilfinningar.
En það bera að gæta sín.
Niðurstöðurnar sýndu einnig að röð spurninga hefur áhrif á hvernig þú kemur fyrir.
Best er að byrja á einföldum og fremur ómerkilegum spurningum, til að mynda hvort viðkomandi eigi gæludýr eða hver séu helstu áhugamálin. Með því nái að myndast traust sem leiði til þess að unnt sé að spyrja dýpri og þýðingarmeiri spurninga.
Það er til dæmis ótækt með öllu að kynna sig, spyrja hinn aðilann að nafni og fylgja því eftir með spurningum um hvað viðkomandi óttist mest í lífinu.
Það er svo að segja öruggt að viðmælandi lætur sig hverfa hið snarasta.
Góð ráð
Í niðurstöðum rannsóknarinnar er þó tekið fram að það sé ekkert að því að spyrja um hvað fólk óttist mest en það þurfi að hafa myndast ákveðið traust áður. Og slíkt traust fáist með að byrja á einfaldari spurningum og feta sig varlega í þær erfiðari.
Gott sé að finna spurningar sem aftur kalli á aðra spurningar. VIð hvað starfar þú? Hvers vegna valdið þú þetta starf? Hafðir þú áhuga á þessu viðfangsefni sem barn?
Í niðurstöðum skýrslunnar er að finna góð ráð.
Ef að þessum leiðbeiningum er fylgt fullyrða sérfræðingar Harvard að rómantíkin eigi eftir að blómstra.
Varla fara þeir að ljúga?
