Það getur borgað sig að hugsa sig tvisvar um áður en drasli er hent, því það er aldrei að vita nema að innan um og saman við leynist eitthvað sem gæti gert þig að milljóner.
Demantshringurinn af sjúkrahúsinu
Kona nokkur nokkur í London keypti hring á tvö þúsund krónur í gjafavöruverslun í anddyri sjúkrahúss. Henni fannst skartið fallegt og tók hringinn varla af sér næstu 30 árin.
Árið 2017 ákvað hún í bríaríi að láta gullsmið meta gripinn. Var henni sagt að steinninn í hringnum væri ekki falleg eftirlíking heldur 26 karata demantur, metinn á 58,5 milljónir króna.
Konan setti hringinn á uppboð þar sem hann var seldur fyrir 125 milljónir króna.
Hvernig hringurinn rataði í gjafavöruverslun á sjúkrahúsi veit enginn.
Michael Jordan skórnir
Larry Awe vann hjá verktakafyrirtæki við þrif. Hann var að hreinsa dót út úr gamalli verslunarmiðstöð sem stóð til að rífa þegar hann fann þessa líka fínu strigaskó.
Awe, sem er mikill áhugamaður um körfubolta, grunað að ekki væri um neitt venjulegt skópar að ræða, Hann taldi sig hafa séð sömu skó áður og fékk grun sinn staðfestan þegar hann sá áritun körfuboltagoðsins Michael Jordan á skónum.
Mundi hann eftir að þeir höfðu verið sýningargripur í íþróttavöruverslun sem einu sinni var til húsa í verslunarmiðstöðinni.
Talið er að Awe hafi selt skóna á þrjár milljónir króna.
Heimsins elsta koníak
Árið 1870 fór maður að nafni Alphonse til Cognac héraðsins í Frakklandi í leit að vinnu á vínekru, sem hann og fékk.
Hann mun hafa verið nokkuð svekktur þegar að hann fékk greitt í koníaksflöskum í stað peninga svo Alphonse sagði upp og hélt heim á leið með flöskurnar sínar.
Hann kom þeim fyrir í kjallara húss síns og gleymdi þeim. Þar lágu þar gleymdar í 150 ár þar til íbúar hússins rákust á þær
Stærsta flaskan var á seld á rúma 21 milljón íslenskar og hinar á um rúmlega 14 milljónir. Er um elstu koníaksflöskur í heimi að ræða.
Koníakið ku enn vera drykkjarhæft en ekki fylgir sögunni hvort kaupendur létu vaða í að smakka.
Ómetanlegt listaverk í eldhúsi
Kona nokkur, einnig í Frakklandi, hugðist minnka við sig og flytja og fékk því til sín matsmann til að meta virði eigna sinna.
Matsmaðurinn var snöggur að koma auga á málverk sem hékk í eldhúsi konunnar. Kvaðst hún hafa erft það en aldrei leitt hugann að því.
Í ljós kom að um var að ræða verk eftir þrettándu aldar listamanninn Cimabue. Var það talið löngu glatað en reyndist í afar góðu ástandi.
Konan fékk hvorki meira né minna en fjóra milljarða íslenskra króna fyrir verkið sem áður hafði hangið yfir soðningunni á eldavélinni.
Nintendo leynir á sér
Í Bandaríkjunum var Scott nokkur Amos að taka til á háalofti æskuheimilis síns þegar hann rakst á gamlan Nintendo Kid Icarus leik í innkaupakpoka.
Í pokanum var kvittun fyrir kaupunu og hafði leikurinn kostað um 5.500 krónur.
Scott taldi foreldra sína hafa keypt handa honum leikinn í jólagjöf, þar sem kvittunin var dagsett í desember, falið hann á háaloftinu og gleymt honum.
Þar sem leikurinn var enn í upphaflegum umboðum fékk Scott 1,3 milljónir fyrir hann á E–Bay, sem hann sagðist nota í ferð í Disneyland með fjölskylduna.
Reyndar sögðu sérfræðingar að Scott hefði verið helst til of fljótur á sér þar sem safnarar greiðar allt að fjórfalt hærri upphæðir fyrir slíka leiki.
Taflmaður á 175 millur
Árið 1831 fannst skákborð og skákmenn úr fílabeini á heimili á fámennri eyju fyrir utan strendur Skotlands. Er settið frá 12. öld og gríðarlega fágætt að finna slíkt.
Aftur á móti vantaði fimm skákmenn í settið. Það liðu 200 ár þar til bættist í settið.
Fjölskylda í Edinborg átti taflmann úr fílabeini og bað Sotheby uppboðshúsið að meta eintakið. Reyndist sá vera út settinu forna.
Afi eigandans hafði keypt gripinn á um 900 krónur, rúmlega hálfri öld áður, en hið heppna barnabarn fékk heilar 175 milljónir fyrir taflmanninn. Hann hafði áður verið í hillu í borðstofu fjölskyldunnar.
Það er verst að afi náði ekki að komast yfir hina fjóra.
Ruslið borgarði sig
Breti að nafni David Rose hafði starfað við sorphirðu í 15 ár árið 2019 þegar hann rakst á poka sem upp úr stóð veglegur hattur.
Rose ákvað að skoða innihald pokans betur og í ljós kom að í honum var að finna eigur fyrrum forsætisráðherra Breta, Winston Churchill.
Í pokanum var að finna hatt, vindla og fjölda bréfa úr eigu Churchill.
Rose fór með innihald pokans í sjónvarpsþáttinn Antiques Roadshow en þangað getur fólk mætt og látið verðmeta gripi.
Reyndist innihald pokans metið á 2 til 3 milljónir króna og var sorphirðumaðurinn hinn kátasti.
Rose sagði í viðtali að hann legði í vana sinn að skoða betur það rusl sem honum fyndist áhugavert en aldrei fundið neitt þessu líkt.
Hann neitar aftur á móti að segja hvar hann fann pokann.
Sennilega fór hann að leita að fleiri verðmætum.
