Rapparinn Kanye West er sagður hafa gengið í það heilaga með hönnuðinum Biöncu Censori við leyniathöfn. Hvorugt þeirra hefur staðfest fréttirnar.
Nýbökuðu hjónin hafa þekkst um árabil. Hún byrjaði að vinna sem hönnuður fyrir Yeezy, fyrirtæki Kanye, árið 2020. Hún er 27 ára og frá Ástralíu.
Undanfarnar vikur hafa þau verið á flakki saman og á mánudaginn voru þau bæði með giftingarhringa á veitingastað í Beverly Hills. Samkvæmt erlendum miðlum voru þau að dást að hringunum sínum yfir matnum. TMZ greindi seinna frá því að umrædd athöfn hafi ekki verið löglega bindandi.
Kanye West has reportedly married Yeezy architect Bianca Censori. This comes only 2 months after his divorce with Kim Kardashian‼️👀 pic.twitter.com/shsevTFwBf
— Daily Loud (@DailyLoud) January 13, 2023
Nú greina fjölmiðlar vestanhafs frá því að kalt sé á milli fyrrverandi eiginkonu hans, raunveruleikastjörnunnar Kim Kardashian, og Biöncu.
Heimildarmaður, sem er sagður nátengdur raunveruleikastjörnunni, sagði við Page Six: „Kim hatar hana. Hún er sæt og Kim hatar sætar stelpur.“
Eftir að „hjónaband“ Kanye komst í fréttirnar birti Kim nokkrar dulrænar færslur á Instagram, meðal annars eina þar sem stóð: „Ég er bara þögul þessa dagana, ég hef ekki mikið að segja. Bara mikið að gera.“
Það eru komnir tveir mánuðir síðan skilnaður Kim og Kanye fór í gegn. Hún sótti um skilnað í febrúar 2021 og var skilnaðarferlið ekki laust við dramatík.
Kanye hefur einnig valdið talsverðum usla undanfarið fyrir ummæli hans um Hitler, gyðinga og fyrir að klæðast „White Lives Matter“ bol. Fyrirtæki hafa slitið samstarfi við hann, einnig bankinn, JP Morgan, sem sá um fjármál hans.
