Söngkonan Þórunn Antonía Magnúsdóttir gerir upp erfitt ár. Margt gekk á, meðal annars glímdi hún heilsufarsvandamál vegna myglu, fjölskyldukötturinn lést eftir að það var keyrt á hann og hún var greind með endómetríósu.
Þórunn og börnin hennar tvö, sem eru 8 ára og 3 ára, hafa verið í leit að húsnæði síðan í lok október. Mygla fannst í leiguíbúð þeirra og hefur haft mikil heilsuspillandi áhrif á þau.
Söngkonan er tilbúin í nýtt ár, gleði, ást og hlátur.
„2023. Ég sé þig. Ég öðlaðist svo mikinn styrk á seinasta ári. Ég er þakklát fyrir allt. 2022 var árið sem reyndi að brjóta mig. Ég sigraði. Ég sé skýrt hvað skiptir máli. Hverjir skipta mig máli og ég er meyr hversu lánsöm ég er. Fuck you 2022 mikið er ég fegin að árið er liðið. Er ekki komin timi á gleði og ást og hlátur? Hugsanlega nýtt heimili og nýjan kött. Namaste eða eitthvað. 2023 ég er tilbúin,“ skrifar hún á Instagram.
View this post on Instagram
