Þetta byrjaði á því að leikarinn deildi mynd af þeim tveimur saman á Instagram. Þau voru bæði viðstödd tískusýningu í Mílanó og virtust frekar innilega á myndinni. Æstir aðdáendur þurftu ekki meira til að kynt væri undir vonarneista um að Khloé hafi fundið ástina, en mikið hefur gengið á í ástarlífi hennar í gegnum tíðina.
Hún og barnsfaðir hennar, körfuboltakappinn Tristan Thompson, hættu saman eftir að það komst enn og aftur upp um ítrekað framhjáhald hans. Og í þetta skipti feðraði hann barn með hjásvæfunni á meðan hann og Khloé voru í miðju ferli við að koma sínu öðru barni í heiminn með aðstoð staðgöngumóður.
Eftir að Michele birti myndina í Story fór myndband af þeim dansa náið saman í eftirpartýi í dreifingu en samkvæmt leikaranum er ekkert í gangi á milli þeirra.
„Það er ekkert samband til að tala um,“ sagði talsmaður Michele í samtali við E! News.
Talsmaðurinn sagði að Michele hafi þótt Khloé „mjög vingjarnleg.“
„Þau voru beðin um að stilla sér upp saman fyrir mynd á D&G tískusýningunni. Þau gerðu það,“ sagði hann.
Michele Morrone er helst þekktur fyrir erótísku dramamyndina 365 days og framhaldsmyndir hennar.
Þau sem hafa ekki séð myndirnar kannast kannski við fræga frasann „Are you lost babygirl?“ úr myndinni en alls konar gif og meme myndir fóru í dreifingu eftir að kvikmyndin kom á streymisveituna Netflix í júní 2020.
