Við erum flest sek um að eiga einhvers konar sakbitna sælu (e. guilty pleasure) . Eitthvað sem veitir okkur ánægju, matarkyns eða afþreying, en við skömmumst okkar aðeins fyrir það. Fókus forvitnaðist um hvað þar sem þekktir Íslendingar elska en eru kannski ekkert að að flagga því dagsdaglega. Þar á meðal er það banani með köldu smjöri og raunveruleikaþátturinn Temptation Islands

Þekktir Íslendingar svöruðu hver þeirra sakbitna sæla er, eins og banani með köldu smjöri og raunveruleikasjónvarpsþátturinn Temptation Island.

Sigmar Vilhjálmsson, veitinga- og athafnamaður

„Í dag eru það piparfylltir trompbitar frá Nóa Siríus,“ segir Simmi Vill.

Margrét Erla Maack, fjölmiðlakona, kabarett-drottning og gleðigjafi

„Sjónvarpsþátturinn The Office. Ég kláraði seríuna enn á ný í gær en byrjaði strax aftur á byrjuninni. Best er að fara í heita sturtu eftir danstíma, gera lítinn ostabakka og éta af honum undir sæng á meðan Michael Scott segir THAT’S WHAT SHE SAID. Sá brandari er einmitt líka önnur sakbitin sæla, þarf oft að hemja mig í faglegu umhverfi að glopra honum ekki út úr mér,“ segir hún.

Kara Kristel Signýjardóttir,  áhrifavaldur og förðunarfræðingur

„Mitt guilty pleasure í augnablikinu er kalt smjör með banana, ekkert eðlilega gott combo að fá saltið á móti sætunni,“ segir Kara.

Brynja Dan Gunnarsdóttir, athafnakona og bæjarfulltrúi

„Bachelor og Brúna brauðið í brauðkörfunni á Cheescake Factory. Og allar brauðkörfur svosem..“

Egill Ploder Ottóson, útvarpsmaður

„Ég hef í gegnum tíðina verið frekar opinn með skoðanir mínar í þessum guilty pleasure málum. Justin Bieber hefur verið uppáhalds tónlistarmaðurinn minn síðan ég var 14 ára, það er eitthvað frábært við sjónvarpsþáttinn Temptation Island og brauð með kindakæfu og pepperoni er gjörsamlega sturlað combo.“

Gerður Huld Arinbjarnardóttir, eigandi Blush

„1. Raunveruleikaþættir, því meira drama því skemmtilegra. 2. Voga krydd ídýfa! Gæti borðað hana með öllum mat,“ segir hún.

Guðmundur Emil Jóhannsson, einkaþjálfari og vaxtaræktarkappi

„Stórt stórt „cheat meal“. Borða á mig gat og svo taka æfingu þremur tímum seinna eða daginn eftir. Nýta þá orkuna í 2-3 tíma æfingu og hoppa svo í saunu í 15-30 mínútur. Jafnvel taka sjósund ef þetta er um helgi. Þetta er me time og my guilty pleasure.“

Sigga Dögg, kynfræðingur

„Ég er að reyna losna við að sælu fylgi eitthvað samviskubit svo það er meira mitt verkefni – að taka á móti allri sælu án skammar, réttlætingar og eftirsjár“