Kanadíski leikarinn Ryan Grantham hefur verið fundinn sekur um að hafa myrt móður sína og mun nú verja restinni af ævinni bak við lás og slá.

Leikarinn er 24 ára gamall og var þekktur fyrir hlutverk sit tí kvikmyndinni Diary of a Wimpy Kid sem og úr táningaþáttunum Riverdale.

Hann hefur nú verið dæmdur í lífstíðarfangelsi, þó með möguleika á reynslulausn eftir 14 ár. Honum hefur einnig verið meinað fyrir lífstíð að eiga skotvopn.

Lögmaður Granthams sagði í samtali við fjölmiðla eftir að dómurinn féll að Grantham hafi undanfarið unnið haft í sjálfum sér og sjái mikið eftir ódæðinu.

„Hann hefur fengið mikla sálfræði aðstoð og hefur glímt við það sem hann gerði og reynt að horfast í augu við það, en hann vonar að hann geti helgað restinni af lífi sínu því að bæta fyrir brot sitt.“

Grantham banaði móður sinni Barböru í mars 2020. Fjölmiðlar greindu frá því að hann hefði „æft“ morðið og tekið myndbönd, meðal annars hafi hann gert upptöku eftir morðið þar sem hann játaði að hafa banað móður sinni og sýndi lík hennar eftir að hann hafði skotið hana í höfuðið með skotvopni þar sem hún sat og spilaði á píanó.

Grantham er svo sagður hafa verið með þrjár byssur, skotfæri, tólf molotov kokteila, útilegugræjur og landakort þar sem heimili kanadíska forsætisráðherrans, Justin Trudeau, var merkt. Grantham hafi ætlað að myrða forsætisráðherrann og fór út í bíl og hélt af stað. Hann hafi þó hætt við og þá ætlað að fremja fjöldamorð í nágrenni fyrrverandi skóla síns. Hann hafi einnig hætt við það og farið beint á næstu lögreglustöð þar sem hann gekk inn og sagði „ég myrti móður mína“.

Geðlæknar sögu Grantham hafa á þessum tíma glímt við alvarlegt þunglyndi og upplifað þörf til að beita ofbeldi og taka eikið líf. Hann hafi ákveðið að myrða móður sína til að hlífa henni við afleiðingum þess ofbeldis sem hann hugðist beita.

Grantham las upp yfirlýsingu í dómsal um brot sín: „Það er sárt að hugsa til þess hversu illa ég hef klúðrað lífinu mínu. Þegar maður horfir í augu þess að hafa gert eitthvað svona hrottalegt virðist það tilgangslaust að segja fyrirgefðu. En af öllu hjarta – ég sé eftir þessu.“

Sjá einnig: Leikarinn úr Diary of a Wimpy Kid myrti móður sína – Ætlaði einnig að myrða Justin Trudeau