Alþjóðadagur táknmála er á morgun, föstudaginn 23. september. Talið er að um 200 mismunandi táknmál séu notuð til samskipta í heiminum.
Af því tilefni hvetja alheimssamtök heyrnarlausra, WFD, alla að styðja við og fagna því með því að varpa bláu ljósi, lit baráttunnar á heimsvísu, á helstu kennileiti og byggingar til stuðnings baráttu fyrir táknmálinu.
Á Íslandi er íslensk táknmál eina hefðbundna minnihlutamálið og því hvetjum við almenning að styðja málið í verki, segir í tilkynningu frá Félagi heyrnalausra.
Munu byggingar eins og Perlan, Kópavogskirkja, RÚV, Háskóli Íslands, Samskiptamiðstöð heyrnarlausra og heyrnarskertra verða upplýstar bláum ljósgeisla sem er táknlitur baráttu fyrir jafnrétti heyrnarlausra og táknmálsins í samfélaginu.