Dan Nava er Venesúelskur grínisti sem hefur átt heima á Íslandi í tæplega sex ár og er hann að verða 36 ára á þessu ári. Hann sá enga betri leið til að fagna því en að fá í lið með sér nokkra af hæfileikaríkustu grínistum landsins til að segja honum hversu frábær hann er.

Í tilkynningu um þennan viðburð segir:

„Þetta verður veisla, svo komið með ykkar bestu orku og sjáumst í Iðnó (vonarstræti 3, 101) kl 20:00 þann 30.9.2022″

Á sýningunni kemur fram hópur grínista sem allir ákváðu að flytja til Íslands og hafa undanfarið ár verið að ryðja sér til rúms í uppistandssenunni hér á landi.

Sýningin verður á hinu vinsæla formi „roast“ eða „grillun“ en með ákveðnu ívafi. Þetta er viss hefð sem hefur myndast á sviði gríns þar sem grínistar og uppistandarar stíga á stokk og gera vægðarlaust grín hver af öðrum, eða sjálfum sér. Sýningin þann 30. september verður óhefðbundin að því leyti að þar verður farið í hina áttina en í tilkynningu segir:

„Í þessu tilviki munum við fara í hina áttina og gera brandara með því að gefa hver öðrum hrós, þetta er sérstakt  áskorun vegna þess að í uppistandssenunni er alltaf auðveldara að kýla niður frekar að byggja upp, en hæfileikarnir í þessari line–uppið munu standa mjög vel í áskoruninni.“

Kvöldið byrjar á Dan Zerin sem er þekktur og margverðlaunaður fyrir sýninguna sína „My voices have tourettes„. Næstur er Mauricio Villavizar sem hefur einnig slegið í gegn erlendis með margverðlaunaðri sýningunni sinni „Anyway…“.

Veislan heldur svo áfram með danska grínistanum Mette Kousholt en svo fá áhorfendur einnig að kynnast nýjum grínista, Dan Roh en fyrsta sýning hans „The half–adventures of Reverend Roh“ hlaut verðlaun  á Reykjavík Fringe hátíðinni í ár.

Síðast en ekki síst er það goðsögnin Nick Jameson sem hefur tekið þátt í mörgum verkefnum sem nú eru orðin hluti af poppmenningu.

Í tilkynningu segir að lokum:

„Á þessum viðburði verður einnig áætlað að gefa til baka, og mun  36% af ágóða viðburðarins renna til Rauða kross Íslands til styrktar starfsins sem þeir vinna í þágu innflytjenda og flóttamanna sem aðlagast íslensku samfélagi. Sýningin fer fram á Ensku.“

Miða á viðburðinn má kaupa á tix.is