Gamla Baðhúsið sem Linda Pétursdóttir rak á sínum tíma hefur farið í gegn um endurnýjun lífdaga og er nú orðið að íbúðahúsnæði.
Þar, í Brautarholti 20 í Reykjavík, er til sölu 36,6 fm stúdíóíbúð á annarri hæð í nýuppgerðu lyftuhúsi. Íbúðin skiptist í alrými með eldhúsinnréttingu og baðherbergi. Eignin afhendist fullbúin með gólfefnum, raftækjum og innbyggðu rúmi. Aukin lofthæð er í íbúðinni.
Í lýsingu fasteignasölunnar Stakfells segir að húsið hafi verið endurbyggt á glæsilegan hátt þar sem hefur verið mikið lagt upp úr hönnun og frágangi með umhverfisvænan og nútímalegan lífstíl að leiðarljósi.
Íbúðin er til sölu á 37,9 milljónir og er fermetrinn því á 1.035.519 kr.
Mikil uppbygging hefur verið á svæðinu undanfarin ár og er áætluð áfram á komandi árum. Samkvæmt deiluskipulagi verður Hlemmur tengipunktur almenningssamgangna bæði borgarlínu og strætóleiða. Aðgengi vistvænna ferðamáta og skilyrði til fjölbreytts mannlífs verða bætt verulega samkvæmt deiluskipulagi á komandi misserum.
Athugið að allar myndir eru úr sýningaríbúðum á annarri hæð.
Allar nánari upplýsingar um eignina er á Fasteignavef DV.