Bresk kvikmyndahús hafa sum hver tekið þá ákvörðun að banna unga jakkafataklædda áhorfendur á nýjustu Minions myndina – The Rise of Gru. Kvikmyndarinnar hefur verið beðið með mikilli eftirvæntingu en fimm ár eru liðin frá síðustu mynd í bálknum vinsæla og hefur aðsóknin verið gríðarleg í kvikmyndahúsum.
Ástæða bannsins ytra er vegna TikTok-æðis sem lýsir sér þannig að ungt fólk, nánast eingöngu drengir, fjölmenna jakkafataklædir á sýningarnar myndarinnar. Kalla hóparnir sig Gentleminions á samfélagsmiðlinum og er klæðnaðurinn tilvísun í illmennið Felonius Gru og leika meðlimir hópanna látbragð Gru í hvívetna á meðan sýningunni stendur. Taka margir með sér banana sem er einmitt eftirlætis nasl skósveinanna gulu. Kvikmyndaferðunum er svo að sjálfsögðu gerð góð skil á samfélagsmiðlinum vinsæla.
Allt þetta er gott og blessað en illu heili hafa hópar Gentleminions hegðað sér illa á kvikmyndasýningunum og truflað aðra gesti sem í kjölfarið hafa óskað eftir endurgreiðslu á miðum sínum. Mörg kvikmyndahús ytra hafa því fengið sig fullsadda af snyrtilega klæddum ungmennum. Er því ungu fólki bannað að mæta uppáklæddu á sýningar myndarinnar vinsælu nema að viðkomandi sé í fylgd með foreldrum sínum.
Why Minions is crushing the box office. pic.twitter.com/IsFSW7Tkrf
— Rob Keyes (@rob_keyes) July 3, 2022