Íslenska drengjasveitin Boncyan ,eða „ekki svo mikið drengir-sveitin“ eins og segir í fréttatilkynningu, hafa gefið út ábreiðu af vinsæla lagi Pálma Gunnarssonar, Þorparinn, í tilefni af Þjóðhátíð.
Ábreiðunni er í tilkynningu lýst sem gleðilegum raf-poppsmell se, er ögn betra að dansa við heldur en upprunalega útgáfan.
Söngvari sveitarinnar Tom Hannay, sem kemur frá Bretlandi, syngur þarna í fyrsta sinn á íslensku en haft er eftir honum í tilkynningu:
„Ég hef heyrt þetta lag svo oft áður og ég elska það. Það var svolítið ógnvekjandi að reyna þetta því þetta er ekki auðveldasta lagið til að syngja, öll þessi löngu orð og hraðinn í laginu gerði þetta að áskorun. Ég vissi líka hversu vinsælt lagið er og við óttuðumst að fólk kæmist í uppnámi ef það heyrði laginu slátrað af erlendum söngvara. Ég býst við að við leyfum almenning að dæma.“
Lagið er gefið út sem b-hlið og kemur út samhliða lagi þeirra Anastasia. Sveitin un svo koma fram á Básum í Þórsmörk um helgina, bæði á laugardag og sunnudag klukkan 22.
Sveitin samanstendur af Janus Rasmussen, Sakaris Emil Joensen og Tom Hannay. Þeir hafa áður gefið út stuttskífuna Deluge sem inniheldur lagið Wait for It sem tónlistarkonan GDRN veitir þeim lið.
Hlusta má á ábreiðuna af Þorparanum á Spotify hér fyrir neðan.