Það er óhætt að segja að Shannon Lawson kynntist unnusta sínum, Jordan Darrell, á frekar óhefðbundinn hátt. Hann er strippari og var að dansa fyrir hana, eftir að hann veitti henni kjöltudans var ekki aftur snúið. Hún var ástfangin og hann líka.
Jordan er hluti af erótíska dansteyminu Dreamboys og var Shannon á sýningu hjá þeim. Nokkur ár eru liðin og eru þau í dag trúlofuð og eiga saman son.
Shannon hefur nú einnig fetað í fótspor unnusta síns og byrjað sjálf að strippa. En lífið er ekki bara dans á rósum, parið sætir harðri gagnrýni og segja sumir að þau geti ekki verið góðir foreldrar vegna atvinnu sinnar.
Þau gefa lítið fyrir gagnrýnina og neita að leyfa nettröllum að eyðileggja fjölskyldulífið sem þau hafa byggt upp saman.
Parið kom fram saman í þættinum Love Don‘t Judge hjá vefmiðlinum Truly. Horfðu á myndbandið hér að neðan.