Ein af stærri spurningum í Hollywood þessi dægrin er hvaða leikari muni taka við af Daniel Craig sem James Bond. Craig hefur brugðið sér í gervi njósnara hennar hátignar í fimm myndum en hefur nú ákveðið að hverfa á braut.
Einn af þeim sem hefur verið nefndur er bandaríski stórleikarinn Miles Teller, sem gerði það nýverið gott í nýjustu Top Gun-myndinni, en það að nafni hans hafi verið varpað fram er ekki síst ömmu hans að þakka, Leona Flowers.
Amman er greinilega ánægð með drenginn sinn og hún fór því á Twitter og benti á barnabarn sitt sem mögulegan arftaka. Hann væri einfaldlega með allan pakkann, hæfileika, útlit, styrk og sjarma sem nái til allrar heimsbyggðarinnar. Svo sé hann líka svo svalur.
They’re looking for an actor to replace Daniel Craig for future 007 movies. I think my grandson, Miles Teller, has proven that he has everything they’re looking for- talent, looks, strength,worldwide appeal & oh, so cool. He can be that guy!! Wouldn’t he be great?
— Leona Flowers (@MupTheQueen) June 29, 2022
Tvít ömmunnar hefur vakið talsverða athygli og fjölmargir miðlar greint frá þessari tröllatrú sem Flowers hefur á barnabarni sínu.