Það er margt skrýtið í kýrhausnum eins og eftirtaldar staðreyndir sanna. Að öllum líkindum hafa fæstir nokkra þörf fyrir neðangreinda vitneskju nema þá helst til að vekja athygli á sér í grillboðum sumarsins. 

-Leiðinlegasti dagur mannkynssögunnar var 11. apríl 1954. Samkvæmt öllum gögnum gerðist akkúrat ekkert markvert í heiminum þann dag. 

-Í Japan er að finna 23 sjálfsala á hvern íbúa.

-Um 8% mannkyns er með eitt auka rif. Líkurnar á slíku er 1 á móti 500.

-Þú átt sama afmælisdag og um 19 milljón manns.

-Tunga gíraffa er ríflega 70 sentimetrar að lengd. Þeir sleikja regluleg eyru sín til að hreinsa frá lauf og annað smálegt sem þar vill safnast.

-Það eru fæstar fæðingar á laugardögum en flestar eru þær á fimmtudögum. Börn láta einnig sjaldnast sjá sig um helgar í desembermánuði.

-Bláeygðir eru þolnari á áfengi en þeir sem skarta annars konar augnlit. 

-Biblían hefur verið mest prentaða bókin frá upphafi prentlistarinnar. Hún hefur þó þurft að gefa eftir toppsætið til IKEA bæklingsins sem prentaður er í 200 milljón eintaka árlega. 

-Það er ólöglegt að eiga einn naggrís í Sviss. Naggrísir eru hjarðdýr og hafa rannsóknir sýnt fram að þeir verða þunglyndir í einveru. Í Sviss er því litið svo á að með því að eiga aðeins einn naggrís sé verið að skaða dýrið. 

-Hjartakóngurinn í spilastokk er sá eini kónganna sem ekki er með yfirvaraskegg. 

-Um 7% fullorðinna Bandaríkjamanna trúa að kókómjólk komi frá brúnum kúm. 

-Neglur á ráðandi hönd vaxa hraðar en á hinni. 

-Það eru 13,8% meiri likur á að þú deyir á afmælisdegi þínum en öðrum dögum ársins. 

-Ted nokkur Hastings skartar því merka heimsmeti að hafa klæðst flestum stuttermabolum í einu en honum tókst að troða sér 260 slíka. Í kringum bol númer 150 átti hann þó í nokkrum öndunarerfiðleikum sem hann jafnaði sig þó á og klæddist 110 til viðbótar. Fyrra metið var 257 bolir. 

-T-Rex risaeðlan er með ógnvænlegustu dýrum sem uppi hafa verið. Rannsóknir hafa aftur á móti leitt í ljós að það núlifandi dýr sem er henni erfðafræðilega skyldast er hin afar meinleysislega hæna. 

-Hinir fornu Aztekar Suður-Ameriku fundu upp poppkornið. Þeir átu það þó ekki heldur notuðu sem höfuðskraut og hálsmen. 

-Býflugur gera greinarmun á mannsandlitum.