Þegar af því bárust fréttir að Gerður Huld Arinbjarnardóttir, eigandi kynlífstækjaverslunarinnar Blush, hefði sett húsið sitt í Kópavoginum á sölu tóku glöggir eftir því að kynlifshjálpartæki var að finna á fasteignamyndunum. Nánar tiltekið leikkonan Birna Rún Eiríksdóttir og héldu fylgjendur hennar í leit að fleiri slíkum.
Úr varð heljarinnar samkvæmisleikur á samfélagsmiðlum þar sem kapp var lagt á að finna sem flest tólin. Meðal þeirra kynlífshjálpartækja sem fundust voru sleipiefni, snípakitlar, múffur og víbratora víðs vegar um íbúðina. En ekki er allt sem sýnist.
Í ljós hefur komið að um er að ræða frumlega auglýsingaherferð Blush. Það var sem auglýsingastofan Pipar/TBWA sem sá um gerð hennar fyrir verslunina.
Í færslu sem auglýsingastofan birti á Facebook síðu sinni segir að herferðin undirstriki að kynlífsleikföng séu eðlilegur hluti af heilbrigðu kynlífi.
,,Við bjuggum til þraut þar sem kynlífsleikföng eru sýnd í hversdagslegum aðstæðum og fólk hvatt til að reyna að finna þau innan um alla hina hversdagsmunina. Til að hefja herferðina af krafti fengum við Gerður Huld Arinbjarnardóttir í Blush til að setja húsið sitt á sölu og komum vörum úr versluninni fyrir á fasteignamyndunum. Og það stóð ekki á viðbrögðunum. Fólk var ekki lengi að koma auga á munina, þó þeir hafi litið út eins og hverjir aðrir hversdagslegir munir. Rétt eins og í herferðinni sjálfri.“
Hér má sjá nokkrar af þeim færslum sem birtar.