Machine Gun Kelly, eða MGK, og leikkonan Megan Fox byrjuðu saman snemma árs 2020 og trúlofuðust í janúar 2022.
MGK greinir frá þessu atviki í nýrri heimildarmynd um líf hans, „Life in Pink“, á streymisveitunni Hulu.
Það átti sér stað í júlí 2020, hann var þá að syrgja föður sinn sem lést í byrjun þess mánaðar.
„Ég neitaði að yfirgefa herbergið mitt og ég varð mjög, mjög, mjög slæmur. Megan var í Búlgaríu að taka upp mynd og ég var haldinn ofsóknaræði um að einhver ætlaði að koma og drepa mig,“ segir MGK.
Tónlistarmaðurinn segir að hann var vanur að sofa alltaf með haglabyssu við hliðina á sér á þessum tíma. „[Ég] bara fokking snappaði [þennan dag],“ segir MGK.
„Ég hringdi í Megan og var alveg: „Þú ert ekki til staðar fyrir mig.“ Ég var í herberginu mínu og var að fríka hana út. Gaur, ég setti haglabyssuna upp í mig og var að öskra á hana í símanum á meðan byssan var í kjaftinum á mér.“
Hann segir að byssan hafi verið hlaðin og hann reyndi að taka í gikkinn. „Skothylkið festist og það var dauðaþögn á línunni. Megan sagði ekki orð.“
MGK segir að það hafi verið á þessu augnabliki sem hann áttaði sig á því að „eitthvað væri ekki rétt.“ Megan og tólf ára dóttir hans, Casie, voru báðar búnar að segja við hann að þær væru komnar með nóg.
„Ég vissi að ég þyrfti að hætta dópinu í alvöru núna,“ sagði hann, en tók ekki fram hvort hann hefði verið á eiturlyfjum þegar hann reyndi að svipta sig lífi.