Sigríður Dögg Arnardóttir, betur þekkt sem Sigga Dögg, kynfræðingur, gekk í gær að eiga eiginmann sinn Sævar Eyjólfsson. Þetta er annað brúðkaup þeirra hjóna en þau gengu fyrst í það heilaga í New York í maí.
Sjá einnig: Sigga Dögg og Sævar gift – Athöfnin var „bönnuð innan 18 ára“
Athöfnin sem fór fram í New York var að sögn Siggu Daggar „mjög sóðaleg“ og „algerlega bönnuð innan átján ára“. Greindi hún frá því í framhaldinu að þau ætluðu að halda íslenskt ástarpartí í sumar með besta fólkinu sínu.
Sú veisla fór fram í gær og var ekki bönnuð börnum þó svo að myllumerkið sem notað var til að merkja samfélagsmiðlafærslur hafi verið #sóðabrók2022
Eins og sjá má á meðfylgjandi myndum sem birtust á samfélagsmiðlum í gær var gleðin við völd og Sigga Dögg skartaði ekki bara einu fallegu dressi heldur nokkrum og geislaði að sjálfsögðu af gleði og hamingju í þeim öllum.
Sigga Dögg og Sævar féllu um hvort annað fyrir tveimur árum síðar. Sævar er frá Bolungarvík og er fyrrverandi fótboltamaður. Þau eiga bæði börn úr fyrri samböndum.
Fókus óskar hjónunum aftur innilega til hamingju með ástina.
View this post on Instagram
View this post on Instagram
Og svo verður að minnast á þessa geggjuðu skó sem Sigga var í, fullkomnir til að stíga trylltan dans í.
View this post on Instagram