Ryan, 24 ára, er hvað þekktastur fyrir að leika aðalhlutverkið í Diary of a Wimpy Kid, hann hefur einnig komið fram í fjölda verkefna, eins og vinsælu Netflix þáttunum Riverdale og iZombie.
Ryan myrti móður sína, Barbara Anne Waite, í mars 2020, og játaði morð af annarri gráðu fyrir dómi í mars síðastliðnum. Í Bandaríkjunum þýðir það manndráp af ásetning án þess að það hafi verið skipulagt. Hann hlaut fyrir það lífstíðardóm, en getur sótt um skilorð eftir 10 til 25 ár. Ákvörðun refsingar hófst fyrr í vikunni.
CBC greinir frá því að Ryan hafi „æft“ morðið og tekið myndbönd, meðal annars tekið upp klukkustundirnar eftir morðið þar sem hann viðurkenndi að hafa myrt móður sína og sýndi lík hennar. Hann skaut hana í höfuðið með byssu á meðan hún spilaði á píanó.
Eftir morðið á Ryan að hafa sett þrjár byssur, skotfæri, tólf „molotov kokteila“, útilegugræjur og landakort með leiðbeiningum að heimili kanadíska forsætisráðherrans og fjölskyldu hans.
Samkvæmt Complex greindi Ryan frá þessum áformum í yfirlýsingu sinni til lögreglunnar, þetta kom einnig fram fyrir dómi þegar lesið var upp úr dagbók hans. En í stað þess að fara heim til Justin Trudeau fór hann til lögreglunnar í Vancouver og játaði brot sín.
Í skýrslum tveggja geðlækna sem voru birtar fyrir dómi kom fram að mánuðina fyrir morðið hafði leikarinn verið að ganga í gegnum mjög erfitt tímabil þar sem hann var að kljást við klínískt þunglyndi. Í skýrslunum kom einnig fram að Ryan hafi verið að „upplifa þörf til að beita ofbeldi og drepa sig“ en í staðinn hefði hann myrt móður sína „til að hlífa henni fyrir ofbeldinu sem hann átti eftir að beita.“
