Fjölmiðlakonan Björg Magnúsdóttir á von á sínu fyrsta barni með kærastanum Tryggva Þór Hilmarssyni. Björg greindi frá tíðindunum í færslu á Instagram-síðunni sinni í gær.
„Það er ákveðin týpa á leiðinni og við Tryggvi erum bara að springa úr gleði og hamingju,“ skrifar Björg með færslunni.
Óhætt er að segja að viðbrögðin hafi ekki látið á sér standa en vinir parsins hafa látið hamingjuóskunum rigna yfir verðandi foreldra.
Björg er nýkomin frá Tórínó á Ítalíu þar sem hún kom að umfjöllun RÚV um Eurovision en hún sinnir margskonar störfum innan stofnunarinnar í sjónvarpi og útvarpi.
View this post on Instagram