Ástralski rapparinn The Kid Laroi segir að auðkýfingurinn Elon Musk hafi veitt gefið honum gott ráð hvað varðaði fjármál og fjárfestingar.

Rapparinn hitti Musk í kjölfar þess að hann kom fram í vinsælu skemmtiþáttunum Saturday Night Live á síðasta ári.

„Hann er í alvörunni mjög jarðbundinn og finnst gaman að bara hanga,“ sagði rapparinn í viðtali við ástralska útvarpsstöð.

„Svo ég fór upp að honum og spurði og hann sagði mér í grófum dráttum að fjárfesta í einhverju sem ég elska. Sem ég fattaði að væri frábært ráð.“

Rapparinn hélt áfram: „Maður reiknar stundum með því að fólk gefi manni heildstæða útlistun á hvað maður eigi að gera, svona allt í lagi þetta áttu að gera. En þegar ég gekk frá honum áttaði ég mig og hugsaði : Vá þetta er líklega best ráð um fjárfestingar sem hægt er að gefa. Því ef þú hefur ekki trú á einhverju, hvers vegna ættu aðrir að gera það?“

The Kid Laroi bætti svo við: „Hann hefði getað sagt mér að fjárfesta í hverju sem er. En ef ég trúi ekki á það, hvers vegna ætti ég að gera það, skilurðu?“