Fyrirlesarinn og hlaðvarpsstjórnandinn Bergsveinn Ólafsson, kallaður Beggi Ólafs, birti mynd af sér grátandi á Instagram á dögunum og skrifaði með: „Sterkir menn gráta líka.“
Beggi er einnig doktorsnemi í Sálfræði, heldur úti vinsæla hlaðvarpinu 24/7 og gaf út bókina Tíu skref – í átt að innihaldsríku lífi árið 2020.
Myndinni hefur verið tekið fagnandi meðal fylgjenda hans og hafa yfir 1600 manns líkað við hana. Fjöldi fólks hefur einnig skrifað við myndina og hrósað Begga fyrir að sýna sig svona berskjaldaðan og þora að sýna tilfinningar á opnum vettvangi.
„Tárin sýna tilfinningar. Að þora að sýna öðrum hvernig manni líður er að mínu mati eitt það fallegasta sem til er. Knús og kærleikur til þín, hugrakkur og einlægur,“ segir einn netverji.
„Það er fátt fallegra tárin og gráturinn. Takk fyrir að deila þeim,“ segir annar.
„Heillandi karlmenn þora að sýna tilfinningar,“ segir einn netverji og nokkrir aðrir kalla hann fyrirmynd.