Breska glamúrfyrirsætan og athafnakonan Katie Price er búin að jafna sig eftir fjórtándu brjóstastækkunina og er hún núna með stærstu brjóstin til þessa. Daily Star greinir frá.

Fyrirsætan, sem skráði sig nýlega á OnlyFans, fór í fyrstu brjóstaaðgerðina árið 1998. Hún fór svo í fyrstu brjóstaminnkunina árið 2008 en skipti aftur um skoðun og ákvað „því stærri því betri.“

Sjá einnig: Katie Price komin á OnlyFans – „Þetta er eitthvað sem ég var fædd til að gera“

Árið 2015 minnkaði hún brjóstin svo aftur, og skipti svo aftur um skoðun og lét stækka þau aftur.

Hún fór í fjórtándu brjóstaaðgerðina fyrir stuttu og er sögð vera yfir sig ánægð með útkomuna og segir The Sun að þetta sé stærstu brjóst hennar til þessa.

Hún er nú stödd um þessar mundir í Taílandi ásamt unnusta sínum Carl Woods. Fjölskylda Katie er hins vegar ekki ánægð með allar þessar aðgerðir og hefur móðir hennar miklar áhyggjur af henni.

„Hún lætur mig ekkert vita áður en hún fer í þessar aðgerðir því hún veit að ég er ekki sátt við þetta. Hún þarf ekki á þessu að halda. Kannski er hún með líkamsskynjunarröskun eða henni finnst hún ekki nógu að­laðandi. En hluti af vandanum er að hún fær þessar að­gerðir án endur­gjalds, þannig að ein­hver annar græðir á henni.“