Leikarinn Jacob Elordi var á dögunum hjá Ellen DeGeners í spjallþætti hennar að ræða um nýjustu þáttaröð „Euphoria“ sem er sýnd á streymisveitunni HBO Max.
Jacob fer með hlutverk Nate Jacobs, sem er nakinn þó nokkrum sinnum í fyrstu tveimur þáttaröðunum.
Ellen spurði leikarann hvernig honum liði með að leika án klæða og sagði hann það vera ekkert mál á þessum tímapunkti.
„Eins og með „Euphoria“ þá snýst þetta um karakterinn. [Nate] er mjög „macho“ íþróttagaur, sem eiga það til að vera ansi oft berir að ofan,“ sagði hann.
„Við erum með „nándar-ráðgjafa“ [eða „intimacy coordinator“] sem er eins og mamma okkar, og hún passar vel upp á okkur. Tökuliðið hefur verið það sama báðar seríurnar, þannig þetta er svolítið eins og að vera nakinn fyrir framan fjölskylduna þína,“ sagði hann við hlátraköll áhorfenda.
Horfðu á viðtalið hér að neðan.
