Ástsæli söngvarinn Friðrik Ómar Hjörleifsson mun koma í stað Loga Bergmanns í Síðdegisþættinum á útvarpsstöðinni K100.
Fjölmiðlamaðurinn Logi Bergmann fór í „ótímabundið frí“ frá störfum sínum á K100 í byrjun janúar eftir að hann var bendlaður við mál Vítalíu Lazareva. Hún sakaði þjóðþekktan mann um að hafa gengið inn á sig og fyrrverandi kærasta sinn, Arnar Grant, og sagði að Arnar hefði viljað kaupa þögn þjóðþekkta mannsins með því að láta hana veita honum kynferðislegan greiða. Sá maður á að hafa verið Logi Bergmann og eftir að hann var nafngreindur steig hann samdægurs frá störfum.
Sjá einnig: Þórður lætur af störfum og Logi ætlar í frí – „Ég hef verið betri“
Logi var annar þáttastjórnanda Síðdegisþáttarins ásamt Sigga Gunnars. Síðan Logi fór í frí hefur Siggi séð einn um þáttinn en er nú kominn með samstarfsfélaga. Friðrik Ómar mun nú vera á K100 alla virka daga milli 16 og 18 í febrúar. Hann greinir frá því á Instagram.