Veitinga- og athafnamaðurinn Sigmar Vilhjálmsson, oftast kallaður Simmi Vill, vaknaði við heldur leiðinlegar aðstæður þegar hann kíkti út um gluggann í morgun.
Stormurinn sem gekk yfir í nótt fór ansi illa með saunu húsið hans, sem hann setti upp síðasta haust, og fór hurðin af hjörunum. Athafnamaðurinn sýnir frá því á Instagram.
„Þetta er bara staðan. Hér var bara lokuð hurð, hún hefur einhvern veginn opnast og gjörsamlega fokið af hjörunum. Gjörsamlega. Æj æj æj,“ segir hann.
„Ég þarf að setja nýja hurð hér, það er nokkuð ljóst. En engin slys á fólki, það er fyrir öllu,“ segir hann.