Bland.is hefur lengi verið eitt helsta sölutorg Íslendinga á alnetinu. Þar er hægt að kaupa nánast allt milli himins og jarðar, notaða bíla, raftæki, húsgögn og nú, einnig kynlífsdúkku.

Á dögunum birti karlmaður nokkur auglýsingu á Bland.is fyrir kynlífsdúkku, eða „dúkku fyrir fullorðinn“ eins og maðurinn orðar það í auglýsingunni. Þá segir seljandinn að dúkkan sé glæný í kassanum og þurfa mögulegir kaupendur því ekki að hafa áhyggjur af því að finna eitthvað í dúkkunni sem þeir vilja helst ekki finna. Nema það sé kannski það sem einhver vill en þá er þessi dúkka að minnsta kosti ekki fyrir þá aðila.

Auglýsingin hefur vakið nokkra athygli en hún hefur verið skoðuð rúmlega 8 þúsund sinnum þegar þessi frétt er skrifuð.

Dúkkunni er lýst vel og vandlega í auglýsingunni. Fram kemur að hún er 160 sentímetrar á hæð og 28 kíló að þyngd. Einnig má sjá það sem virðist vera afar óþjált enskt heiti dúkkunnar: „Sex toys silicone sex dolls men’s sex toys metal skeleton sexy big ass big tits men’s real dolls adult xxx sexy.“

Öll mál dúkkunnar koma skýrt fram, allt frá brjóstastærð og í lengdina á lófum hennar og fótum. Einnig kemur fram hver dýptin á kynfærum dúkkunnar er, sem og munni hennar og endaþarmi.

Það er ekki hægt að segja að umrædd dúkka sé ódýr en seljandinn vill fá 165 þúsund krónur fyrir hana. Með kaupunum fylgir svo, að sögn seljanda, 100 prósent trúnaður.