Tíðarvöruframleiðandinn Tampax ákvað að bregða á leik á Twitter í tilefni af sögusögnum um að endalok miðilsins séu væntanleg eftir að auðkýfingurinn Elon Musk tók þar við völdum.
Tístu þau í gær: „Þú ert í innhólfinu þeirra en við erum inni í þeim. Við erum ekki eins.“
Er þar vísað til þess að stundum er talað um að karlmenn læði sér í innhólf skilaboða á samfélagsmiðlum kvenna til að reyna við þær. Tampax, sem framleiðir túrtappa, lék sér þarna að þeirri staðreynd að túrtappar fara inn í konur og leghafa, frekar en að þurfa að fara í innhólf skilaboðanna.
Deildi Tampax svo tístinu aftur með viðbættum textanum: „Neitum að leyfa Twitter að slokkna fyrr en við deildum þessu tísti.“
refused to let twitter shut down before we shared this tweet https://t.co/XVHHOcaZIK
— Tampax US (@Tampax) November 21, 2022
Þá sá systurfyrirtæki Tampax sér leik á borði og svaraði tíðarbindaframleiðandinn Always tístinu með: „Hversu lengi hafið þið sparað þennan brandara?“
Tampax var ekki lengi að svara: „Síðan á síðasta túr (e. period)“ en enska orðið period getur bæði þýtt túrblæðingar eða tímabil svo þarna var skemmtilegur orðaleikur á ferðinni. Spurningin á allra vörum er þó hvort að Alway hafi þarna verið að hjálpa fyrirtæki innan sömu samstæðu með því að gefa þeim færi á þessu orðagríni. En maður getur víst ekkert fullyrt um slíkt.
since last period
— Tampax US (@Tampax) November 21, 2022
