Breski miðillinn The Sun verður seint kallaður aðdáandi hertogaynjunnar Meghan Markle. Í nýrri frétt hafði miðillinn greint hversu mikið Meghan talar í hlaðvarpsþáttum sínum Archetypes og komst að þeirri niðurstöðu að hún tali mun meira heldur en þeir aðilar sem hún er að taka viðtöl við. Í sjö þáttum af tíu hafi hún talað meira heldur en gestir hennar.
Í fyrsta þættinum er Meghan sögð hafa talað nærri tvöfalt meira en viðmælandi hennar, tennisstjarnan Serena Williams eða alls í 30 mínútur og sex sekúndur á meðan Serena talaði í 17 mínútur og 12 sekúndur.
Í þætti átta hafi Meghan talað alls í 26 mínútur og eina sekúndu á meðan einn þriggja gesta hennar, forsetafrú Kanada Sophie Trudeau talaði í tvær mínútur og níu sekúndur.
Í þætti fimm hafi Meghan talað í 24 mínútur og 16 sekúndur.
The Sun nefnir að þrátt fyrir að þættirnir eigi að snúast um að berjast gegn þeim stimplum sem halda aftur að konum hafi Meghan minnst 11 sinnum á eiginmann sinn, Harry Bretaprins.