fbpx
Mánudagur 30.janúar 2023
Fókus

Síðustu dagarnir í lífi Aarons Carter

Guðrún Ósk Guðjónsdóttir
Föstudaginn 18. nóvember 2022 09:59

Aaron Carter. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Tónlistarmaðurinn Aaron Carter fannst látinn á heimili sínu laugardaginn 5. nóvember síðastliðinn, aðeins 34 ára gamall. Dánarorsök hans hefur ekki verið opinberuð en talið er að hann hafi drukknað í baðkari.

Umboðsmaður Aarons, Taylor Helgeson, greinir frá síðustu dögunum í lífi söngvarans. Í samtali við Page Six rifjar hann upp hversu „grannur“ og „virkilega þreytulegur“ Aaron var þegar þeir hittust síðast.

Taylor hafði verið umboðsmaður Aarons í átta mánuði. Þeir hittust í upptökuveri til að vinna í nýju plötunni vikuna sem söngvarinn lést. En þegar hann sá ástandið á Aaron varð hann mjög áhyggjufullur en einnig ögn ringlaður því honum þótti líkamlegt ástand Aarons ekki passa við andlegt ástand hans.

„Hann leit út eins og að hann ætti að vera að gera allt nema að vinna. Hann leit út eins og einhver sem þurfti að láta hugsa um sig,“ segir Taylor.

Útilokar sjálfsvíg

Á meðan Aaron virtist illa á sig kominn „líkamlega“ þá var hann „andlega spenntur“ að sögn Taylor, með margar hugmyndir um tónlistarferil sinn, meðal annars langaði hann að gefa út nýja plötu.

„Hann var spenntari en ég hafði séð hann í marga mánuði […] Aaron var mjög gáfaður og meðvitaður um það sem fólk vildi fá frá honum.“

Umboðsmaðurinn segir spennu Aarons fyrir framtíðinni útiloka að hann hafi tekið eigið líf.

„Hann var gaur með mikið í gangi. Við vorum með svo mikið í gangi og þú veist, Aaron er mjög hreykinn líka. Það er ekki hans stíll.“

Bræðurnir Nick og Aaron Carter.

Opinn um baráttu sína við fíkniefni

Aaron hafði í gegnum tíðina gengist við því að reykja mikið gras og eins að hafa orðið háður ópíóðum eftir að læknir skrifað upp á oxycodone fyrir hann eftir að hann kjálkabrotnaði. Hann var opinn um baráttu sína við fíkniefni, í viðtali í ágúst sagði hann að það hefði tekið hann fjórar tilraunir í meðferð áður en hann náði undir sig fótunum.

Sjá einnig: Opnaði sig um baráttuna við fíknina í einu seinasta viðtalinu fyrir andlátið

Í september greindi hann frá því að hann væri kominn á göngudeild hjá meðferðarheimili og hann væri að vinna hörðum höndum í því að fá forsjá á ný yfir syni sínum, sem er ellefu mánaða gamall.

Aaron Carter byrjaði að gefa út tónlist aðeins sjö ára gamall og fetaði þannig í fótspor eldri bróður síns, Nick Carter sem var meðlimur í geysivinsælu strákasveitinni Backstreet Boys. Hann er hvað þekktastur fyrir lagið „I Want Candy“ sem kom honum rækilega á kortið á tíunda áratug síðustu aldar.

Sjá einnig: Barnsmóðir Aaron Carter rýfur þögnina um skyndilegt andlát hans

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Fyrsta verkefni Stefáns Þórs í Japan var að taka á móti gestum Gucci – „Ég var farinn að þylja upp stafrófið afturábak til að drepa tímann“

Fyrsta verkefni Stefáns Þórs í Japan var að taka á móti gestum Gucci – „Ég var farinn að þylja upp stafrófið afturábak til að drepa tímann“
Fókus
Fyrir 2 dögum

„Eins og blaut tuska í andlitið að vera ekki ódauðleg“

„Eins og blaut tuska í andlitið að vera ekki ódauðleg“
Fókus
Fyrir 2 dögum

Þegar Avril Lavigne tjáði sig um lífsseigu samsæriskenninguna

Þegar Avril Lavigne tjáði sig um lífsseigu samsæriskenninguna
Fókus
Fyrir 2 dögum

Rúrik vann aftur og gaf verðlaunaféð til góðgerðarmála

Rúrik vann aftur og gaf verðlaunaféð til góðgerðarmála
Fókus
Fyrir 3 dögum

Hreinskilið innlit á heimili Juliu Fox kemur aðdáendum á óvart

Hreinskilið innlit á heimili Juliu Fox kemur aðdáendum á óvart
Fókus
Fyrir 3 dögum

Laugaás með hjartað á réttum stað – Afhenti Neistanum tæpar 5 milljónir

Laugaás með hjartað á réttum stað – Afhenti Neistanum tæpar 5 milljónir