Elon Musk er ríkasti maður í heimi. Hann hefur verið afar umdeildur í gegnum tíðina og hefur ítrekað látið hafa eftir ummæli sem hafa fari misjafnlega vel í fólk.
Og er þá vægt til orða tekið.
Ekki nóg fólk
Musk er oft lýst sem sérvitringi sem kastar fram sjálfsprottnum og umdeildum yfirlýsingum, þvert á aðra milljarðamæringa sem kjósa að láta fara lítið fyrir sér til að snúa ekki almenningi gegn fyrirtækjum sínum.
Eitt af því sem Musk hefur hamrað á nýlega er þörfin á að fólk eignist fleiri börn. Það er að segja ríkt fólk.
Sú skoðun gengur þvert á móti því sem flestir fræðimenn predika, sem er að tilvera okkar í hættu vegna mannfjölgunar.
,,Það er ekki nóg fólk í heiminum, ég get ekki lagt nógu ríka áherslu á að við verðum að eignast fleiri börn.”
Ríkidæmi beintengt greind
Náinn samstarfsmaður margmilljarðamæringsins segir að ákveðna hugmyndafræði að baki þessum yfirlýsingum Musk.
,,Hann telur að ríkidæmi sé í beinu samhengi við greindarvísitölu og því sé bráðnauðsynlegt að ríkt fólk fjölgi sér. Musk er óhræddur við að hvetja ríka vini sína til að eignast sem flest börn þvi annars muni siðmenningu okkar hnigna.”
Musk segist vilja ganga á eftir með góðu fordæmi og á hvorki meira né minna en tíu börn að því talið er.
Fæstir virðast þó vissir um nákvæma tölu barna milljarðamæringsins né fjölda barnsmæðra.
Musk mun vera ákafur fylgismaður kenninga Nick Bostrom, sænsk heimspekings sem hefur lýst yfir áhyggjum af því að minnkandi frjósemi meðal „vitsmunalega hæfileikaríkra einstaklinga“ getiðleitt til falls „háþróaðs siðmenntaðs samfélags.“
Bostrom er afar umdeildur og hafa gagnrýnendur bent á að í raun sé hann að segja að fólk í ríkum löndum skipti meira máli en íbúar vanþróaðri ríkja.
Musk hefur ekki sagt það beint út að sumir einstaklingar séu æskilegri en aðrir en segir að þróun siðmenningar sé lykilatriði.
Heimurinn þurfi einstaklinga sem hafi greint og getu til að nýta sér tækni framtíðarinnar ellegar muni mannkynið tortíma sér.
Vísar í bíómynd
Musk mun meira að segja bent á hættuna að heimurinn verði eins og í kvikmyndinni Idiocracy þar sem fremur einfaldur einstaklingur er svæfður í tilraun á vegum hersins. Sá vaknar 500 árum síðar og er greindasti maður heims þar sem aðeins hinir heimsku og vanhæfu hafa fjölgað sér í gegnum aldirnar.
Eðlilega hafa þessar kenningar fólk farið misjafnlega í fólk eins og víða má sjá á samfélagsmiðlum.
Hafa margir einnig bent á að samband Musk við flest börn sín sé lítið sem ekkert og sýni hann þeim takmarkaðan áhuga.
En Elon Musk er nokk sama. Hann fer eigin leiðir og mun eflaust kasta fram fleiri bombum innan tíðar.