Ekki er allt sem sýnist hjá áhrifavaldinum Gaby Castillo, betur þekktri sem Briela Sanz, en hún er grunuð um að vera meðlimur í mexíkönsku glæpagengi sem ber nafnið Union Tepito. New York Post greinir frá.

Castillo er með 763.000 fylgjendur á Instagram, en þar deilir hún myndum af sér og lífsstíl sínum.

Hún var á dögunum handtekin fyrir fíkniefnalagabrot og svik tengd bílakaupum. Handtakan átti sér stað í Mexíkóborg á meðan hún keyrði um í svörtum lúxusbifreið.

Í honum eiga að hafa fundist ein milljón mexíkanskra pesóa, sem jafngildir rúmlega sex milljónum króna. Auk þess voru í bílnum hundruð pakkninga sem innihéldu fíkniefni, sem lögregla telur vera kókaín og marijúana, og skotvopn.

Bíllinn er talinn hafa verið keyptur með falsaðri ávísun í desember, en með Castillo í bílnum var Jose Hareff Soto Jimenez, en fjölskylda hans hefur verið bendluð við skipulagðan bílastuld.

Þá er áhrifavaldurinn einnig grunuð um að taka óviðeigandi myndir af viðskiptavinum sínum og fjárkúga þá með þeim.

Gaby Castillo er talinn eiga í ástarsambandi við Andres Flores Ramirez, sem gengur undir nafninu El Lunares, en hann er talinn höfuðpaur Union Tepito-gengisins. Sá afplánar nú tuttugu ára fengelsisdóm sem hann fékk fyrir morð, þátttöku í skipulagðri glæpastarfsemi og sölu fíkniefna.