Drew Barrymore og Luke Wilson voru heitasta stjörnuparið í lok tíunda áratugar á síðustu öld. Leikkonan rifjaði upp samband þeirra í spjallþætti sínum The Drew Barrymore Show.
„Þetta var opið samband. Við vorum ung,“ sagði hún við leikkonuna Kate Hudson sem var gestur í þættinum.
„Ég hef einnig verið þarna með Wilson,“ sagði þá Kate í gríni, en hún var í sambandi með bróður Luke, Owen Wilson.
Drew segir að það hefði verið „svo gaman“ að deita á þessum tíma því „þegar þú ert ung þá er ekki svo mikið í húfi.“ Parið var saman frá 1997 til 1999.
„Við vorum bara að hafa gaman, eyða tíma saman […] þetta var gaman og við skemmtum okkur konunglega,“ segir hún.
Vinkonurnar ræddu um það hvernig þær kynntust í gegnum Luke. Drew var í sambandi með honum og Kate var að vinna með honum að myndinni „Alex and Emma.“
Hvorugar stjörnurnar eru enn í sambandi með Wilson bróður. Kate Hudson er trúlofuð Danny Fujikawa, sem hún hefur verið í sambandi með í fimm ár. Þau eignuðust dóttur árið 2018. Kate á tvö börn úr fyrri samböndum.
Drew á tvær dætur með fyrrverandi eiginmanni sínum og er einhleyp í dag.
