Dönsk móðir hefur vakið heimsathygli eftir að myndband af henni sýna óléttukúluna fór eins og eldur í sinu um netheima.
Michella Meier-Morsi var ólétt af þríburum í myndbandinu. Drengirnir Charles, Theodore og Gabriel komu í heiminn fyrr í mánuðinum.
Hún hefur verið dugleg að leyfa netverjum að fylgjast með ferlinu á Instagram þar sem hún er með rúmlega 260 þúsund fylgjendur.
Nokkrum dögum áður en þríburarnir komu í heiminn sagðist Michella vera mjög verkjuð. „Mér finnst eins og kviðurinn minn sé einn stór svartur marblettur, það er sárt að anda,“ sagði hún.
Michella deildi mynd af sér tíu dögum eftir fæðingu. Hún sagði að kviðurinn væri mikið minni en hann væri enn „þungur og virkilega verkjaður.“
Þetta eru ekki fyrstu fjölburar fjölskyldunnar en fyrir á hún tvíbura.