Til eru eru ýmsar leiðir til að afla sér tekna á netinu, sumar þá óhefðbundnari en aðrar og virðis vera markaður fyrir hreinlega allt. Þetta þekkir raunveruleikastjarnan Stephanie Matto vel, en hún selur prump í krukku og græðir á tá og fingri.
Stephanie kom fram í raunveruleikaþáttunum 90 Day Fiance á sjónvarpsstöðinni TLC. Hún komst að því að það er til hópur fólks sem ekki aðeins nýtur þess að finna prumpulykt annarra, heldur er einnig reiðubúið að borga fyrir þau forréttindi. Hún byrjaði að selja krukkur með prumpulyktinni sinni á netinu og er óhætt að segja að hún hafi tekið yfir markaðinn, enda seldi hún prump að andvirði rúmlega 25 milljóna króna áður en hún lagði skóna á hilluna.
Athafnakonan segir frá þessi nýstárlega starfi sínu í hlaðvarpsþættinum I‘ve Got News For You. Þar lýsir hún því hvernig henni tekst að „fanga“ prumpið sitt og geyma þar til hún getur sent það til viðskiptavina.
„Ég hef komist að því að besta leiðin til að „fanga“ prump er að taka lítinn efnisbút og prumpa beint í hann og setja hann svo í krukkuna, loka krukkunni með korktappa og síðan plasta krukkuna og setja í annan poka,“ segir hún.
Stephanie hefur einnig prumpað eftir beiðnum. Til dæmis óskaði einn viðskiptavinur eftir prumpi með cheddar-ostalykt. Til að geta verða við þeirri beiðni borðaði hún heilt oststykki á einum degi þar til lyktin varð æskileg.
Mataræðið skiptir eðlilega máli fyrir manneskju í þessu starfi, til að framleiðslan standi undir eftirspurn. Stephanie borðaði því mikið af svörtum baunum, prótein möffins og kálsúpu.
„Ég er eiginlega eins og Einstein þegar kemur að prumpi í krukku, ég er alveg með formúluna á hreinu,“ segir hún.
En Stephanie hefur nú sett skóna á hilluna eftir að hún endaði á sjúkrahúsi með meltingartruflanir, sem hún hélt upphaflega að væru hjartaáfall. Hún selur núna rafrænar prumpukrukkur (e. NFT) og er með tæplega 300 þúsund fylgjendur á Instagram.