Ásgeir Jónsson deilir ótrúlegri sögu af handboltakappanum Ólafi Stefánssyni þegar sá síðarnefndi bjargaði vinkonu Ásgeirs sem hafði verið byrlað. Hann deilir sögunni á Twitter.
Smá saga af Óla Stef og hvernig hann bjargaði vinkonu minni um árið sem hafði verið byrlað. Þráður.
— Ásgeir Jónsson (@sonurjons) January 21, 2022
Árið var 2002 og Ásgeir var staddur á Mallorca í útskriftarferð. „Það var þrammandi partí í tvær vikur og ungt fólk aldrei upplifað annað eins frelsi,“ segir hann.
„Þarna var Óli Stef þegar besti handboltatmaður heims. Hann hafði farið á kostum með Magdeburg, sem vann Meistaradeildina þetta ár þar sem hann var yfirburðarmaður og markahæstur í úrslitum. Líka markahæstur og í úrvalsliði Evrópumótsins sama ár […] Þá eins og nú er hefð að þýsk lið fari í vikuferð í sólina þegar tímabilinu lýkur og þarna var Óli mættur með Kretzschmar og liðsfélögum til að sletta úr klaufunum.“
Ásgeir og hópurinn með honum voru í miklu fjöri á skemmtistað. „Það er gripið um axlirnar á mér og vini mínum: „Nei Íslendingar.“ Það var Óli. Á þessum tímapunkti var þetta svipað fyrir tvítugan handboltakappa að hittatt Messi. Sem sagt fagnaðarfundir, að minnsta kosti fyrir annan okkar,“ segir hann.
„Óli og nokkrir liðsfélagar skemmtu sér með okkur fram eftir kvöldi. Algjört Mallorca 2002 dæmi. Þar til mjög alvarlegt atvik átti sér stað. Æskuvinkonu minni var byrlað ólyfjan af einhverju skítseiði og ástandið eftir því. Hringt á sjúkrabíl og ég fór með henni. Óli áttaði sig á því að við yrðum í miklum vanda þar sem hvorugt okkar talaði spænsku. Óli hafði lært spænsku sjálfur í nokkra mánuði á undan, eins og maður gerir bara? og var farinn að tala fínustu spænsku. Hann bauðst til að koma með okkur. Og Óli hafði rétt fyrir sér. Ekki nokkur maður talaði ensku á spítalanum og við hefðum verið í algjöru basli án hans. Óli tók öll samtölin, hjálpaði með alla pappíra og borgaði þann kostnað sem féll til,“ segir hann.
Á meðan þeir biðu á biðstofunni spjölluðu Ásgeir og Óli um allt mikli himins og jarðar.
„Eftir um 3 tíma var vinkona mín komin á fætur. Var ekki trúað því það fannst kókaín í blóðinu. Sjaldan prófað sérstaklega fyrir lyfjum sem eru notuð í þessum tilgangi. Hentu kókaíni í blönduna og þolanda er ekki trúað. Hversu oft ætli byrlun hafi verið afskrifuð með þessum hætti? En allir komust heilir heim og sem betur fer fór þetta allt vel,“ segir hann.
„Eins og ég nefndi í upphafi var Óli sennilega frægasti handboltamaður heims þarna. Flestir hefðu bara horft á sjúkrabílinn keyra í burtu og haldið kvöldi sínu áfram. Fyrir mér kristallar þetta persónuna sem Óli er. Takk Óli.“
Eins og ég nefndi í upphafi var Óli sennilega frægasti handboltamaður heims þarna. Flestir hefðu bara horft á sjúkrabílinn keyra í burtu og haldið kvöldi sínu áfram. Fyrir mér kristallar þetta persónuna sem Óli er. Takk Óli.
— Ásgeir Jónsson (@sonurjons) January 21, 2022