Poppdívan Madonna er að slá sér upp með fyrirsætunni Andrew Darnell, sem er 41 ári yngri en hún. Madonna er 64 ára og Andrew er 23 ára.
Samkvæmt heimildarmanni Hollywood Life líta þau ekki alvarlegum augum á sambandið og eru bara að hafa gaman. Vinum hennar finnst aldursbilið „frekar furðulegt“ en „henni virðist vera alveg sama.“
„Hún hefur aldrei látið aldur hafa áhrif á ákvörðun hennar um hvern hún deitar og ekki deitar. Það er ekki eins og Madonna ætli að finna einhvern til að vera með að eilífu, og hún vill það heldur ekki. Hún er að njóta lífsins og hafa gaman. Andrew veitir henni þá ástríðu sem hún vill núna og eftir sambandsslitin vill hún bara hafa gaman.“
Madonna var í sambandi með dansaranum Ahlamalik Williams, 28 ára, í tæpt ár áður en leiðir þeirra skildu í apríl síðastliðnum.
View this post on Instagram
„Sambandið þeirra er ekki að meiða neinn og Andrew dýrkar hana. Þau geta ekki látið hvort annað vera þegar þau eru saman, en þetta þýðir ekki hjónaband fyrir Madonnu. Hún er búin með allt svoleiðis,“ segir heimildarmaður Hollywood Life.
Andrew hefur birt nokkrar myndir af turtildúfunum á Instagram.
View this post on Instagram
