Í lok árs 2021 kom út þáttur á vefmiðlinum Truly um hjónin Monicu og John Huldt sem vakti talsverða athygli. Þátturinn – sem og hjónaband þeirra – var mjög umdeildur en í honum lýsti Monica, sænsk fyrirsæta og OnlyFans-stjarna, því hvernig John stjórnar lífi hennar; tekur allar ákvarðanir fyrir hana, fær að sofa hjá öðrum konum (en hún sefur aðeins hjá honum) og hvernig líf hennar snýst um að gera hann hamingjusaman.
Þetta er einn umdeildasti þáttur sem Truly hefur gefið út og höfðu netverjar mikið um sambandið að segja. Margir virðast vera sammála um að um sé að ræða einhvers konar ofbeldissamband eða mjög óheilbrigt samband.
Horfðu á umdeilda þáttinn hér að neðan.
„Allt sem hann gerir er fyrir hann sjálfan. Og allt sem hún gerir er fyrir hann. Það er ekki „hefðbundið hjónaband“ eða „alpha male“. Þetta kallast að vera í eitruðu sambandi með hálfvita,“ sagði einn netverji.
Hjónin hafa áður stigið fram í viðtölum við fjölmiðla, eins og The Sun, þar sem þau ræða samband sitt.
Í ágúst í fyrra sagði Monica að konur segja hana kyni sínu til skammar en henni sé alveg saman. Hún sagði að dagar hennar snúast um heimilisverk, líkamsrækt og matseld. Hún gætir þess að líta alltaf vel út og er alltaf til í tuskið.
Sjá einnig: „Ég leyfi eiginmanninum að sofa hjá öðrum konum – það styrkir hjónaband okkar“
„Að fá að sofa hjá öðrum konum er lúxus sem flestir karlmenn vildu óska þess að þeir væru með. Mér finnst það gera mig að betri eiginmanni,“ sagði John.
Það var síðan í desember þar sem Monica og John opnuðu dyrnar að heimili sínu fyrir myndavélum Truly og þátturinn kom út. Eins og fyrr segir olli þátturinn talsverðu fjaðrafoki og er Monica mætt aftur fyrir framan myndavélarnar til að ræða um viðbrögðin og svara nokkrum athugasemdum um hjónaband þeirra.
„Mér finnst gaman að gera hluti á heimilinu, það gerir mig ekki að mömmu hans,“ segir hún.
Horfðu á myndbandið hér að neðan.