Samkvæmt heimildarmanni E! News hættu þau saman fyrir einni og hálfri viku síðan.
Stjörnurnar héldu sambandinu að mestu úr sviðsljósinu, ólíkt systrum hennar sem hafa verið ófeimnar að deila ástarlífi sínu á samfélagsmiðlum – eins og Kourtney Kardashian sem gekk í það heilaga með Travis Barker á Ítalíu í lok maí.
Það var fljótlega eftir brúðkaupið sem Kendall og Devin ákváðu að hætta saman. „Þau skemmtu sér vel á Ítalíu en þegar þau komu til baka áttuðu þau sig á því að lífsstíll þeirra væri mjög ólíkur,“ segir heimildarmaðurinn.
Kendall sagðist vilja smá tíma í sundur „en þau hafa talað saman síðan þá og þykir vænt um hvort annað.“
En það gæti verið að þau taki saman aftur. „Þau vonast bæði til að láta sambandið ganga en eins og staðan er í dag eru þau hætt saman.“
