Úrslitaleikur Meistaradeildar Evrópu var á laugardaginn síðastliðinn. Liverpool og Real Madrid mættust í leikvanginum Stade De France í París. Söngkonan skemmti áhorfendum fyrir leikinn, atriðið var sex mínútur að lengd og söng hún meðal annars lögin „Senorita“, „Havana“ og „Bam Bam.“
Stuðningsmennirnir sem mættu á leikinn gerðu það ljóst að þeir væru þarna fyrir liðin og ekki hana, en þúsundir aðdáenda sungu liðsöngva á meðan atriðinu stóð.
„Ég er að horfa aftur á atriðið og ég á erfitt með að trúa því að fólk var að syngja liðsöngvana svo hátt á meðan atriðinu stóð. Ég meina, ég og teymið mitt unnum hörðum höndum að koma með rétta stuðið og vera með góða sýningu,“ skrifaði Camila á Twitter.
Fimm mínútum síðar birti hún aðra færslu: „Svo dónalegt en skiptir ekki. Ég er ánægð að þið elskuðuð þetta!!“
Söngkonan eyddi stuttu seinna báðum færslunum og hefur ekki tjáð sig nánar um málið en birti aðra færslu þar sem hún þakkaði fyrir sig.
I grew up watching soccer with my family and the energy in there was SO ELECTRIC I had so much fun watching afterwards too. ✨✨✨✨
Thank you so much to my team and the dancers and musicians and creatives that worked so hard on this show !!!— camila (@Camila_Cabello) May 29, 2022
Horfðu á atriðið hér að neðan.