Kailia Posey, sem kom fram í raunveruleikaþáttunum Toddlers & Tiaras á TLC, er látin aðeins sextán ára gömul. Móðir hennar, Marcy Posey Gatterman, greindi frá því á Facebook fyrr í vikunni.
„Ég er orðlaus. Elsku fallega stelpan mín er farin. Vinsamlegast efið okkur næði til að syrgja,“ skrifaði hún.
Samkvæmt TMZ, sem ræddi við fjölskyldu Kailiu, svipti hún sig lífi.
„Þó svo að hún hafi verið hæfileikaríkur unglingur með bjarta framtíð þá átti hún hvatvíst augnablik og tók þá fljótfærnislegu ákvörðun að enda líf sitt á jörðinni,“ sagði fjölskyldan og fór yfir afrek hennar.
„Hún keppti í fegurðarsamkeppnum allt sitt líf og vann óteljandi fjölda af kórónum og titlum […] Hún var þegar búin að fá nokkur atvinnutilboð sem liðamjúkur skemmtikraftur (e. contortionist) vegna hæfileika sinna, og var nýlega valin í klappstýruhóp framhaldskólans hennar fyrir næsta haust.“
Kailia fagnaði sextán ára afmæli sínu þann 20. apríl síðastliðinn. Síðasta myndin sem hún deildi á Instagram var 23. apríl.
Kailia byrjaði að keppa í fegurðarsamkeppnum þegar hún var þriggja ára gömul og kom fram í vinsælu raunveruleikaþáttunum Toddlers & Tiaras þegar hún var fimm ára gömul. Hér að neðan má sjá innslagið úr þættinum.